نظرية الألوان هي ببساطة العلم اللي بيدرس إزاي الألوان بتتفاعل مع بعضها وإزاي بتأثر على مشاعرنا. فهمها بيساعد المصممين والفنانين (وحتى إنت لو بتجهز عرض تقديمي) إنهم ياخدوا قرارات أحسن في استخدام الألوانات.

أهم حاجة: عجلة الألوان

عجلة الألوان (Color Wheel) هي الأداة الأساسية. هي بتنقسم لـ:

ألوان أساسية: أحمر، أصفر، أزرق (مينفعش نخلطهم).

ألوان ثانوية: أخضر، برتقالي، بنفسجي (بتيجي من خلط لونين أساسيين).

ألوان ثلاثية: بتيجي من خلط لون أساسي مع لون ثانوي جنبه.

إزاي تختار ألوان متناسقة مع أساسيات نظرية الألوان؟

في كذا “هارموني” (Harmony) أو نظام للالوان:

المتكاملة (Complementary): لونين قصاد بعض تماماً على العجلة (زي الأحمر والأخضر). بتدي تباين (Contrast) عالي جداً.

المتشابهة (Analogous): 3-4 ألوان جنب بعض على العجلة (زي الأزرق والأخضر المزرق والأخضر). بتدي إحساس بالراحة والهدوء.

الثلاثية (Triadic): 3 ألوان بتبعد عن بعض بمسافات متساوية (زي الأحمر والأصفر والأزرق). بتدي إحساس بالتوازن والحيوية.

فهم الأساسيات دي هو أول خطوة علشان تعمل تصميمات قوية ومريحة للعين.

إيه أكتر نظام ألوان بتحب تستخدمه في شغلك أو حتى في لبسك؟ شاركنا في التعليقات.

اقرأ أكتر عن الجانب الجمالي للحزن في الإبداع من هنا: (ليه بنحب الأعمال الفنية الحزينة؟)